Kristrún Steinþórsdóttir hefur endurnýjað samning sinn við handknattleiksdeild Selfoss. Hún hefur spilað allan sinn feril hjá Selfossi og verið lykilmaður hjá liðinu undanfarin ár.
Kristrún hefur spilað með öllum yngri landsliðum Íslands auk þess sem hún hefur verið í afrekshóp HSÍ.
„Kristrún er mikilvægur hlekkur í þeirri vegferð sem framundan er hjá félaginu næsta vetur og er það svo sannarlega fagnaðarefni að hún skuli taka þátt í henni ásamt félögum sínum á Selfossi. Handknattleiksdeild fagnar því að hafa tryggt sér áframhaldandi krafta Kristrúnar og væntir mikils af henni sem og öðrum leikmönnum,“ segir í fréttatilkynningu frá stjórn Selfoss.