Selfoss gerði ekki góða ferð í Breiðholtið í kvöld en liðið tapaði 2-0 gegn Leikni í Inkasso-deildinni í knattspyrnu.
Fyrri hálfleikur var markalaus en Leiknismenn höfðu yfirhöndina og Selfoss fékk fá færi.
Leikurinn spilaðist svipað í síðari hálfleik en á 62. mínútu tókst Leikni að komast yfir. Fimmtán mínútum síðar tvöfölduðu heimamenn forskotið og lokatölur urðu 2-0, þar sem Selfyssingum tókst ekki að svara fyrir sig.
Selfoss er í 4. sæti Inkasso-deildarinnar með 10 stig en Leiknir er í 6. sætinu með 8 stig.