Margrét Lúðvígsdóttir, fimleikakona úr Ungmennafélagi Selfoss, er íþróttamaður Héraðssambandsins Skarphéðins 2016. Verðlaunin voru veitt á þingi sambandsins í Hveragerði í dag.
Á síðasta keppnistímabili keppti Margrét með blönduðu liði Selfoss þar sem hún var algjör lykilmanneskja. Hún keppti á öllum innlendu mótunum og sýndi þar mikla baráttu þegar liðið lenti í mótlæti og uppskar ríkulega með Íslands-, bikar- og deildarmeistaratitli. Margrét keppti með landsliði Íslands á Evrópumótinu sem fram fór í Slóveníu núna í haust. Liðið hafnaði í 3. sæti og var það í fyrsta skipti sem íslenskt lið í flokki blandaðra liða í flokki fullorðinna vinnur til verðlauna á Evrópumóti. Hún var valin fyrirliði liðsins fyrir mótið og keppti á öllum áhöldum, það er á trampólíní, dýnustökkum og gólfæfingum.
Það er fimm manna valnefnd sem velur íþróttamann HSK ár hvert. Tilnefnd í kjörinu voru:
Akstursíþróttamaður HSK 2016
Snorri Þór Árnason, Torfæruklúbbi Suðurlands
Badmintonmaður HSK 2016
Hrund Guðmundsdóttir, Íþróttafélaginu Hamri
Blakmaður HSK 2016
Hilmar Sigurjónsson, Íþróttafélaginu Hamri
Briddsmaður HSK 2016
Kristján Már Gunnarsson, Umf. Selfoss
Fimleikamaður HSK 2016
Margrét Lúðvígsdóttir, Umf. Selfoss
Frjálsíþróttamaður HSK 2016
Kristinn Þór Kristinsson, Umf. Selfoss
Golfmaður HSK 2016
Fannar Ingi Steingrímsson, Golfklúbbi Hveragerðis
Glímumaður HSK 2016
Marín Laufey Davíðsdóttur Umf. Þjótanda
Handkattleiksmaður HSK 2016
Hrafnhildur Hanna Þrastardóttir, Umf. Selfoss
Hestaíþróttamaður HSK 2016
Bjarni Bjarnason, Hestamannafélaginu Trausta
Íþróttamaður fatlaðra 2016
Guðrún Hulda Sigurjónsdóttir, Íþróttafélaginu Suðra
Júdómaður HSK 2016
Egill Blöndal, Umf. Selfoss
Knattspyrnumaður HSK 2016
Þorsteinn Daníel Þorsteinsson Umf. Selfoss
Kraftlyftingamaður HSK 2016
Rósa Birgisdóttir, Umf. Stokkseyrar
Körfuknattleiksmaður HSK 2016
Emil Karel Einarsson, Umf. Þór
Lyftingamaður HSK 2016
Árni Rúnar Baldursson, Lyftingafélaginu Hengli
Mótorkrossmaður HSK 2016
Gyða Dögg Heiðarsdóttir, Umf. Selfoss
Skákmaður HSK 2016
Björgvin Smári Guðmundsson, Umf. Heklu.
Skotíþróttamaður HSK 2016
Snorri Jón Valsson, Skotíþróttafélagi Suðurlands
Sundmaður HSK 2016
Kári Valgeirsson, Umf. Selfoss
Taekwondomaður HSK 2016
Ingibjörg Erla Grétarsdóttir, Umf. Selfoss
Einnig voru veitt sérverðlaun á þinginu. Íþróttafélagið Dímon sigraði í heildarstigakeppni HSK, Golfklúbbur Selfoss fékk unglingabikar HSK og frjálsíþróttadeild Umf. Selfoss fékk foreldrastarfsbikar HSK. Þá var Kjartan Lárusson, Umf. Laugdæla, útnefndur öðlingur ársins.