Meistarahópur Selfoss í frjálsum hélt mót í 400 metra hlaupi í Kaplakrika í Hafnarfirði sl. laugardag, þann 12. nóvember, Hlaupamót Selfoss.
Á mótinu hlupu þrír piltar af sambandssvæði HSK.
Sindri Seim Sigurðarson Umf. Heklu hljóp á 57,13 sek. sem er Íslandsmet í 13 ára flokki pilta og að sjálfsögðu einnig HSK met og Heklumet. Sindri bætti HSK metið í sínum flokki á Gaflaranum 5. nóvember sl. og var þá skammt frá Íslandsmetinu, sem Reynir Zoëga átti og var 57,88 sek. Sindri bætti því Íslandsmetið 0,75 sek., sem er magnaður árangur. Þessi árangur Sindra er einnig HSK met í 14 og 15 ára flokkum.
Dagur Fannar Einarsson Umf. Selfoss hljóp á á 57,26 sek., sem er persónulegt met hjá honum, en hann bætti HSK metið í sínum flokki á Gaflaranum á dögunum. Gamla metið var 57,62 metra. Hann hljóp því undir HSK metinu, en Sindri hljóp á betri tíma og Dagur á því ekki metið lengur í þessum flokki.