Fimleikadeild Ungmennafélags Selfoss hefur ráðið Elmar Eysteinsson í stöðu framkvæmdastjóra deildarinnar frá 1. ágúst næstkomandi en þá kveður Olga Bjarnadóttir eftir 25 ára starf hjá deildinni.
Elmar er menntaður íþróttafræðingur og rekur sjálfstæða einkaþjálfararáðgjöf.
Hann þekkir vel til ungmennahreyfingarinnar þar sem hann starfaði áður sem framkvæmdastjóri Ungmennasambands Skagafjarðar.
Frá þessu er greint á heimasíðu ungmennafélagsins.