Önnur umferðin í meistaramótaröð Glímusambands Íslands fór fram í íþróttahúsi Kennaraháskólans síðastliðinn laugardag. Fjórir keppendur frá HSK tóku þátt í mótinu.
Marín Laufey Davíðsdóttir vann sínar viðureignir í opnum flokki kvenna, en varð önnur í +65 kg flokki kvenna. Hún er með örugga forystu í báðum flokkum til Íslandsmeistara.
Jana Lind Ellertsdóttir vann í -65 flokki kvenna og Guðrún Inga Helgadóttir varð önnur. Þær eru í tveimur efstu sætunum í stigakeppninni.
Þá vann Guðni Elvar Björnsson í unglingaflokki í +80 kg og tók forystuna í stigakeppninni.