Mílan sigraði í fyrsta leik

Leturstærð: Decrease font Enlarge font
image Leikmenn og liðsstjórar Mílunnar eftir sigurleikinn í Vallaskóla í gær. Ljósmynd/Mílan

ÍF Mílan sigraði Hamrana 21-15 í fyrsta leik félagsins í 1. deild karla í handbolta í gær.

Mílan skoraði fyrsta mark leiksins en eftir það tóku Hamrarnir öll völd og náðu mest 3-7 forskoti. Þá tók Mílan góðan sprett með sex mörkum í röð og leiddi 9-7 í hálfleik.

Mílan hélt forystunni allan seinni hálfleikinn og vann að lokum sex marka sigur, 21-15.

Örn Þrastarson, Óskar Kúld og Ársæll Einar Ársælsson voru markahæstir hjá Mílunni með 4 mörk. Árni Felix Gíslason og Guðmundur Garðar Sigfússon skoruðu báðir 2 mörk og þeir Ívar Grétarsson, Atli Marel Vokes, Magnús Már Magnússon, Róbert Daði Heimisson og Rúnar Hjálmarsson skoruðu allir 1 mark.

Ástgeir Sigmarsson varði 13 skot í marki Mílunnar og var með 32,5% markvörslu.


  • email Senda frétt
  • print Prentvæn útgáfa
  • Plain text Einfaldur texti