Lokahóf körfuknattleiksdeildar Hamars fór fram síðastliðið miðvikudagskvöld í golfskálanum í Gufudal. Fjölmargir leikmenn voru heiðraðir á hófinu sem heppnaðist afar vel.
Boðið var uppá mat og skemmtiatriði og að sjálfsögðu voru veitt verðlaun fyrir afrek tímabilsins. Einnig fengu margir leikmenn viðurkenningu fyrir leikjafjölda.
Hjá meistaraflokki kvenna var Sóley Guðgeirsdóttir verðlaunuð fyrir framfarir og Jóna Sigríður Ólafsdóttir fékk einnig verðlaun fyrir framfarir. Fyrirliðinn Íris Ásgeirsdóttir fékk verðlaun fyrir að vera dugnaðarforkurinn. Fanney Lind Guðmundsdóttir var valin besti leikmaðurinn og Marín Laufey Davíðsdóttir var svo valin mikilvægasti leikmaðurinn.
Hjá meistaraflokki karla var Bjartmar Halldórsson verðlaunaður fyrir framfarir, Aron Freyr Eyjólfsson fékk verðlaun fyrir dungaðarforkinn, Danero Thomas var valin besti leikmaðurinn og fyrirliðinn Halldór Gunnar Jónsson var svo valinn mikilvægasti leikmaðurinn.