Vilja styrkja vatnsforðann

Sumarbústaðabyggð í Grímsnesi. sunnlenska.is/Guðmundur Karl

Sveitastjórn Grímsnes og Grafn­ings­hrepps hefur rætt nauðsynlegar framkvæmdir við vatnsból í Búrfelli vegna vatnsleysis í sumarhúsa­hverfum í vestur hluta sveitarinnar.

Sveitarstjórn samþykkir að taka tillit til þessa við endurskoðun fjárhags­áætlunar og niðurstöðu tilboðs í 3. áfanga Vaðneslagnar.

Að sögn Ingibjargar Harðar­dóttur, sveitastjóra Grímsnes- og Grafningshrepps, er vatnsnotkun gríðarleg í sveitarfélaginu og því nauðsynlegt að vera stöðugt að skoða nýja möguleika. Í þessu tilviki er bara um það að ræða að að efla þau vatnsból sem eru fyrir í Búrfelli en spurning er hve lengi þau endast.

Sem kunnugt er þá eru viðræður á frumstigi um lögn frá Kaldárhöfða að Árborg og nágrenni. Sveitar­stjórn Grímsnes og Grafningshrepps hyggst að sögn Ingibjargar fylgjast vel með framvindu þess máls.