Tæknisvið Ölfuss róbótavætt

Leturstærð: Decrease font Enlarge font
image Ingimar Arndal, framkvæmdarstjóri OneSystems og Elliði Vignisson, bæjarstjóri Ölfuss. Ljósmynd/Ölfus

Sveitarfélagið Ölfus er fyrst allra sveitarfélaga á landinu til þess að róbótavæða hluta stjórnsýslunnar sem snýr að tæknisviði Ölfuss.

Í gær tók sveitarfélagið í notkun hugbúnaðarlausnina OneLandRobot sem er ný sjálfvirk útgáfa frá OneSystems. Hugbúnaðarlausnin vinnur alfarið á rafrænum samskiptum milli sveitarfélagsins og umsækjanda byggingaráforma og byggingarleyfa, hönnuða, byggingarstjóra og iðnmeistara.

Elliði Vignisson, bæjarstjóri Ölfuss var fyrstur manna til að prófa lausnina. Hann segir að þetta sé hluti af því að auka rafræna stjórnsýslu, bæta aðgengi að gögnum og auka þjónustu við byggingaraðila. Að hans sögn muni þetta spara um 40% af vinnu hjá tæknisviði Ölfuss sem fer í pappírsvinnu, skjölun og frágang.

Hugbúnaðarlausnin inniheldur meðal annars sjálfvirkt uppáskriftarkerfi fyrir hönnuði, byggingarstjóra og iðnmeistara. Þá geta eigendur lóða, hönnuðir og meistarar séð í rauntíma hvar málið er statt á hverjum tíma.

  • email Senda frétt
  • print Prentvæn útgáfa
  • Plain text Einfaldur texti