Hófu stríð gegn skógarkerflinum

Leturstærð: Decrease font Enlarge font
image (F.v.) Helgi Kjartansson, oddviti, Elinborg Sigurðardóttir, Guðmundur Ingólfsson og Agnes Geirdal formaður umhverfisnefndar. Ljósmynd/Bláskógabyggð

Elinborg Sigurðardóttir og Guðmundur Ingólfsson á Iðu fengu umhverfisverðlaun Bláskógabyggðar afhent í síðustu viku. Verðlaunin fá þau fyrir baráttu gegn skógarkerflinum.

Í umsögn umhverfisnefndar Bláskógabyggðar segir meðal annars að við bæinn Iðu hafi þau Elinborg og Guðmundur „hafið stríð gegn skógarkerflinum sem hefur náð að fjölga sér hressilega á helgunarsvæði Vegagerðarinnar og inn á tún til þeirra. Þau hafa verið ótrúlega dugleg að minna okkur í sveitastjórn og umhverfisnefnd á kerfilinn. Í sumar hafa þau Elinborg og Guðmundur staðið í ströngu, slegið reglulega á helgunarsvæði Vegagerðarinnar, klippt í burtu þær plöntur sem þau sjá og hafa dreift sér upp um allar hæðir í nágrenninu. Nú er svo komið að kaflinn meðfram veginum við Iðu er orðinn með snyrtilegri vegabútum Vegagerðarinnar og fallegt að horfa heim að Iðu frá þjóðveginum.”

Umhverfisverðlaunin voru afhent á veitingastaðnum Lindinni á Laugarvatni síðastliðinn föstudag. Það er umhverfisnefnd Bláskógabyggðar sem stendur fyrir valinu en nefndin hefur veitt verðlaun fyrir ýmis umhverfismál á undanförnum árum.

 

 

 

 

  • email Senda frétt
  • print Prentvæn útgáfa
  • Plain text Einfaldur texti