Samið um veðurstöð á Selfossi

Leturstærð: Decrease font Enlarge font
image Tómas Ellert og Óðinn handsala samninginn. Ljósmynd/Árborg

Fulltrúar Sveitarfélagsins Árborgar og Veðurstofu Íslands skrifuðu í morgun undir samning um rekstur veðurstöðvar á Selfossi.

Tómas Ellert Tómasson, formaður framkvæmda- og veitustjórnar og Óðinn Þórarinsson, fyrir hönd Veðurstofu Íslands, undirrituðu samninginn.

Í framhaldinu var haldið í vettvangsferð um Selfoss í leit að heppilegustu staðsetningunni fyrir veðurstöðina.

Stöðin mun mæla lofthita í 2 m hæð yfir jörðu og vindátt og vindhraða í 10 m hæð yfir jörðu. Einnig verða gerðar mælingar á loftraka og úrkomu í 2 m hæð yfir jörðu.  

Veðurstofa Íslands mun sjá um varðveiðslu gagnanna, reka gagnagrunninn og halda honum við. Nýjustu gögn verða birt á vef Veðurstofu Íslands og verða þau opin og aðgengileg almenningi.

  • email Senda frétt
  • print Prentvæn útgáfa
  • Plain text Einfaldur texti