Björgun bauð lægst í dýpkun Landeyjahafnar

Leturstærð: Decrease font Enlarge font
image Í Landeyjahöfn. sunnlenska.is/Guðmundur Karl

Fjögur tilboð bárust í dýpkun Landeyjahafnar næstu þrjú árin, frá 2019 til 2021. Björgun ehf. átti lægsta tilboðið.

Áætlað er að dýpka þurfi höfnina um 900.000 rúmmetra á árunum 2019 til 2021.

Tilboð Björgunar hljóðaði upp á tæplega 618 milljónir króna sem er 75,6% af áætluðum verktakakostnaði. Vegagerðin gerði ráð fyrir tæpum 818 milljónum króna til verksins.

Næst lægsta tilboðið var frávikstilboð frá Jan De Nul n.v. upp á rúmlega 922,8 milljónir króna. Annað boð Jan De Nul hljóðaði upp á tæpa 1,2 milljarða króna en hæsta tilboðið átti Rohde Nielsen A/S í Danmörku, tæplega 1,4 milljarð króna.

  • email Senda frétt
  • print Prentvæn útgáfa
  • Plain text Einfaldur texti