Ölfusárbrú lokuð í eina viku í ágúst

Leturstærð: Decrease font Enlarge font
image Ölfusárbrú. sunnlenska.is/Guðmundur Karl

Vegna viðgerða verður Ölfusárbrú á Selfossi lokuð fyrir bílaumferð í eina viku um miðjan ágúst.

Áætlað er að loka að kvöldi sunnudagsins 12. ágúst, á miðnætti og opna aftur fyrir morgunumferð kl. 6 mánudaginn 13. ágúst.

Brúnni verður svo lokað aftur kl. 20:00 mánudaginn 13. ágúst og er áætlað að hægt verði að hleypa umferð á hana aftur mánudaginn 20. ágúst.

Nýtt brúargólf verður steypt aðfaranótt þriðjudagsins 14. ágúst og er steypan nokkra sólarhringa að harðna.

Hjáleið verður meðal annars um Þrengsli og Óseyrarbrú á Eyrarbakkavegi. Í uppsveitum eru hjáleiðir um Biskupstungnabraut, Skálholtsveg, Bræðratunguveg og Skeiðaveg.

Gangbrautin á Ölfusárbrú verður opin á framkvæmdatímanum.

Þetta kemur fram í tilkynningu frá Vegagerðinni.

  • email Senda frétt
  • print Prentvæn útgáfa
  • Plain text Einfaldur texti