Metþátttaka í sumarlestri

Sumarlestri Bókasafns Árborgar á Selfossi, fyrir börn á aldrinum 7-10 ára, lauk á dögunum með miklu fjöri í ratleik.

Metþátttaka var í sumarlestrinum í ár, en ríflega 100 börn skráðu sig til leiks. Þemað að þessu sinni var Ofurhetjur og var barnadeild bókasafnsins skreytt í hólf og gólf með allskyns ofurhetjum og öllu sem að þeim snýr.

Starfsfólk bókasafnsins vill þakka þeim fjölda barna sem tók þátt í ár og hlakkar til að sjá sem flest aftur næsta sumar.

Skreytingarnar í barnadeildinni koma til með að standa áfram fram eftir sumri og eru allir velkomnir að koma og skoða dýrðina.

Fyrri greinCohen ábreiður á Sólheimum
Næsta grein„Lofa einlægum og skemmtilegum tónleikum“