Mannlaus bátur á Ölfusá

Leturstærð: Decrease font Enlarge font
image Mynd úr safni. sunnlenska.is/Guðmundur Karl

Björgunarsveitir á Eyrarbakka, í Þorlákshöfn og Árborg hafa verið kallaðar út eftir að tilkynnt var um mannlausan bát í Ölfusárósi á tíunda tímanum í morgun.

Það var vegfarandi um Eyrarbakkaveg sem tilkynnti um bátinn sem var á reki til móts við veitingastaðinn Hafið bláa.

Ekki hefur verið tilkynnt um neitt slys á ánni en Viðar Arason, í svæðisstjórn björgunarsveita, sagði í samtali við sunnlenska.is að á meðan ekki væri vitað hvaðan báturinn væri tækju viðbragðsaðilar enga áhættu og því væri stór hópur björgunarfólks kallaður á vettvang.

UPPFÆRT KL. 11:00: Leit á svæðinu hefur verið hætt þar sem komið hefur í ljós um um bát var að ræða sem rekið hafði frá landi.

  • email Senda frétt
  • print Prentvæn útgáfa
  • Plain text Einfaldur texti