Á 17. júní hátíðarhöldunum voru umhverfisverðlaun Hrunamannahrepps afhent. Það er umhverfisnefnd Hrunamannhrepps sem sér um tilnefninguna.
Í ár voru það Nina Faryna og Yaroslav Krayduba sem fengu verðlaun fyrir garðinn sinn og umhverfi við húsið sitt í Ásastíg 12b.
Í greinargerð frá umhverfisnefnd sem fylgdi verðlaununum segir að garðurinn beri þess merki að það sé vel hugsað um hann. Glæsileg aðkoma er að húsinu og öll tré formuð á fallegan og stílhreinan hátt. Hellulagt bílastæði er við innganginn og stuðlabergs súlur í lögninni. Innan limgerðis fyrir framan húsið er falleg grasflöt sem teygir sig bak við hús en þar er afgirt svæði sem flokka mætti sem leiksvæði. Utan í grindverkinu er búið að planta plöntum inn í skot sem eru í hönnun grindverksins. Inn í afgirta svæðinu er falleg grasflöt með gróðri í. Það sést vel á garðinum að honum er vel sinnt og mikill metnaður lagður í að hafa fallegt umhverfi.