Hænsnaeigandi sviptur 20 hænum

Höfuðstöðvar Matvælastofnunar á Selfossi. sunnlenska.is/Sigmundur

Matvælastofnun hefur svipt hænsnaeiganda á Suðvesturlandi öllum hænum sínum vegna slæms aðbúnaðar og umhirðu.

Um 20 garðhænsni var að ræða sem bjuggu við mikinn óþrifnað og myrkur. Matvælastofnun barst ábending um málið frá heilbrigðiseftirliti í lok síðustu viku. Aðgerðir voru ekki taldar þola bið og var gripið til vörslusviptingar á staðnum.

Fuglunum hefur verið komið fyrir í bráðabirgðahúsnæði á meðan unnið er að því að ráðstafa þeim annað.

Fyrri greinGróska í starfi Krabbameinsfélags Árnessýslu
Næsta greinEydís áfram sveitarstjóri í Flóahreppi