Aðfaranótt síðasta laugardags varð harður árekstur tveggja bifreiða á gatnamótum Austurvegar og Reynivalla á Selfossi.
Önnur bifreiðin kastaðist á umferðarljós við gangbraut á Austurvegi og sat þar föst. Meiðsli þeirra sem í bílunum voru eru ekki talin alvarleg.
Á föstudagskvöld varð annar árekstur á Austurveginum þegar bifreið var ekið út frá Skalla inn á Austurveginn í veg fyrir bifreið sem ekið var austur Austurveg, fram með bifreið sem dró hjólhýsi og hugðist beygja inn á stæði við Skalla. Ekki urðu alvarleg meiðsl á fólki.
Þetta kemur fram í dagbók lögreglunnar á Suðurlandi.
Frá vettvangi árekstursins við Skalla á föstudagskvöld. sunnlenska.is/Guðmundur Karl