Langt yfir hámarkshraða við Gígjukvísl

Leturstærð: Decrease font Enlarge font
image sunnlenska.is/Guðmundur Karl

Lögreglan á Suðurlandi kærði 35 ökumenn fyrir að aka of hratt í liðinni viku. Einn þeirra, bandarísk kona sem er hér á ferðalagi, var stöðvuð við Gígjukvísl á 156 km/klst hraða þar sem leyfður hraði er 90 km/klst.

Hún svipt ökurétti í 2 mánuði og sektuð um 230 þúsund krónur. Gerði sektina strax upp og fékk því 25% afslátt af henni eins og reglur segja til um þegar að umferðarlagabrotum kemur.

Þetta kemur fram í dagbók lögreglunnar.

Þar má einnig lesa um tvo ökumenn sem voru stöðvaðir vegna gruns um að þeir væru undir áhrifum áfengis við akstur bifreiða sinna síðastliðinn laugardag. Annar þeirra var á Selfossi en hinn á Hellu.

Þá voru þrí ökumenn voru kærðir fyrir að nota ekki öryggisbelti við akstur, einn fyrir að nota farsíma án handfráls búnaðar og einn fyrir að aka sviptur ökuréttindum. Auk þess voru skráningarnúmer tekin af fjórum bifreiðum þar sem þær reyndust ótryggðar í umferðinni.

  • email Senda frétt
  • print Prentvæn útgáfa
  • Plain text Einfaldur texti