Tíu ár í dag frá Suðurlands-skjálftanum

Leturstærð: Decrease font Enlarge font
image Mikið tjón varð á Krossi í Ölfusi sem er nálægt upptökum skjálftanna. sunnlenska.is/Guðmundur Karl

Tíu ár eru í dag frá Suðurlandsskjálftanum 29. maí 2008. Skjálftinn reið yfir kl. 15:46 en talið er að tveir samliggjandi skjálftar hafi verið 6,3 á Richterkvarða. Ekkert manntjón varð í skjálftanum en einhverjir tugir leituðu á slysadeild, flestir með minniháttar meiðsli. Gríðarlegt eignatjón varð hins vegar í skjálftanum.

Myndirnar hér að neðan eru teknar síðdegis þann 29. maí 2008, og dagana þar á eftir.


Ingólfsfjall fór af stað í skjálftanum. Myndin prýddi forsíðu Sunnlenska fréttablaðsins eftir skjálftann. sunnlenska.is/Jóhannes Geir


Ölfusárbrú var lokuð eftir skjálftann á meðan burðarvirki hennar var kannað. Brúin sveiflaðist mikið til í skjálftanum en skemmdist ekki. sunnlenska.is/Guðmundur Karl


Almannavarnanefnd Árborgar á fundi fyrir utan lögreglustöðina á Selfossi. Kristján Einarsson slökkviliðsstjórii situr við borðið. sunnlenska.is/Guðmundur Karl


Ólafur Helgi Kjartansson, sýslumaður og Ragnheiður Hergeirsdóttir, bæjarstjóri Árborgar, bera saman bækur sínar. sunnlenska.is/Guðmundur Karl


Björgunarsveitarmenn á Selfossi skipuleggja starfið fyrir utan Tryggvabúð. sunnlenska.is/Guðmundur Karl


Gríðarlegt álag var á farsímakerfið og voru símtölin - aðeins hjá Vodafone - 260 þúsund á fyrstu klukkustundinni eftir skjálftann. sunnlenska.is/Guðmundur Karl


Sigurdór Karlsson skoðar gangstéttina sem fór á flug fyrir utan heimili hans. sunnlenska.is/Guðmundur Karl


Miklar skemmdir urðu á innbúsmunum á heimilum á Selfossi. sunnlenska.is/Guðmundur Karl


Í Lyfjum og heilsu á Selfossi var allt á rúi og stúi. sunnlenska.is/Guðmundur Karl


Rauðvínslækir runnu eftir gólfinu í Vínbúðinni og lyktin náði langt út á götu. sunnlenska.is/Guðmundur Karl


Starfsfólk Vínbúðarinnar hafði mikið að gera við að þrífa eftir hamfarirnar. sunnlenska.is/Guðmundur Karl


Stór iðnaðarhurð féll niður á bíl sem var í skoðun í Frumherja á Selfossi. sunnlenska.is/Guðmundur Karl


Talsverðar skemmdir urðu á múrhúð á sjúkrahúsinu á Selfossi en burðarvirki hússins skemmdist ekki. sunnlenska.is/Guðmundur Karl


Svona var ástandið á ritstjórn Sunnlenska fréttablaðsins eftir skjálftann. sunnlenska.is/Guðmundur Karl


Hillurnar í Bókakaffinu gáfu eftir í látunum og Guðbjörg Runólfsdóttir hafði í nægu að snúast í tiltekt. sunnlenska.is/Guðmundur Karl


Skemmdir urðu á Suðurlandsvegi undir Ingólfsfjalli. sunnlenska.is/Guðmundur Karl


Ökumenn þurftu að fara að öllu með gát undir Ingólfsfjalli. sunnlenska.is/Guðmundur Karl


Gríðarmiklar grjótskriður í vesturhlíð Ingólfsfjalls. sunnlenska.is/Guðmundur Karl


Björn á Efstalandi bauð ljósmyndara inn að skoða Víkingaskálann sem var stórskemmdur. sunnlenska.is/Guðmundur Karl


Allt á hvolfi í eldhúsinu í Efstalandi. sunnlenska.is/Guðmundur Karl


Gríðarþungt altarið í Hveragerðiskirkju lét undan og brotnaði. sunnlenska.is/Guðmundur Karl


Íbúum á dvalarheimilinu Ási var komið undir bert loft en veðrið var gott og ekki væsti um neinn. sunnlenska.is/Guðmundur Karl


Símasambandslaust var í Hveragerði um skeið og Geir Jón Þórisson fær ekkert signal á símann sinn. sunnlenska.is/Guðmundur Karl


Fjöldahjálparstöð komið upp í Hveragerði. sunnlenska.is/Guðmundur Karl


Íbúar í Hveragerði voru skelkaðir og höfðust flestir við undir berum himni fyrstu klukkutímana eftir skjálftann. sunnlenska.is/Guðmundur Karl


Skemmdir á Eyrarbakkavegi. sunnlenska.is/Guðmundur Karl


Miklar skemmdir urðu á Óseyrarbrú en burðarvirki hennar hélt og ekki kom til lokunar. Hér skoðar verkfræðingur skemmdirnar. sunnlenska.is/Guðmundur Karl


Heiðar Bjarndal Jónsson sýnir ljósmyndara skemmdir á íbúðarhúsi sínu sem dæmt var ónýtt eftir skjálftann. sunnlenska.is/Guðmundur Karl


Dýrleif Nanna Guðmundsdóttir við stærðarinnar bjarg sem féll úr Ingólfsfjalli. sunnlenska.is/Guðmundur Karl


Haukur Michelsen við sprungu í Heiðarbrún í Hveragerði sem lá í gegnum íbúðarhúsið hans. sunnlenska.is/Guðmundur Karl


Íbúafundur Almannavarna í Sunnulækjarskóla á Selfossi. sunnlenska.is/Guðmundur Karl


Lúðvík Haraldsson, bóndi á Krossi, sýnir Víði Reynissyni kort með upptökum skjálftans sem voru nálægt heimili hans. sunnlenska.is/Guðmundur Karl


Íbúafundur á Völlum í Ölfusi. Sr. Jón Ragnarsson hefur orðið. sunnlenska.is/Guðmundur Karl

 

Upptökur úr öryggismyndavélum Shellskálans í Hveragerði:



Upptaka úr öryggismyndavél Atlantsolíu á Selfossi:

  • email Senda frétt
  • print Prentvæn útgáfa
  • Plain text Einfaldur texti