H-listinn heldur meirihluta sínum í Hrunamannahreppi en mjótt var á mununum í hreppnum þar sem tveir listar voru í framboði.
Á kjörskrá eru 560 og talin hafa verið 461 atkvæði. Kjörsókn liggur ekki fyrir.
H-listinn fékk 236 atkvæði eða 52,33% og þrjá hreppsnefndarmenn. H-listinn tapar 16,3% fylgi og einum manni.
D-listi Sjálfstæðisflokks og óháðra fékk 215 atkvæði eða 47,7% og tvo hreppsnefndarmenn. Um nýtt framboð í hreppnum er að ræða.
Kjörnir hreppsnefndarfulltrúar:
- Halldóra Hjörleifsdóttir, H-lista
- Jón Bjarnason, D-lista
- Sigurður Sigurjónsson, H-lista
- Bjarney Vignisdóttir, D-lista
- Kolbrún Haraldsdóttir, H-lista
Næst inn er Sigfríð Lárusdóttir, D-lista, en hana vantaði 22 atkvæði til að fella Kolbrúnu.