Nemendur í grunnnámi bygginga- og mannvirkjagreina við Fjölbrautaskóla Suðurlands heimsóttu verkstað ÞG Verk á Selfossi við Álalæk 13-17 á dögunum.
Tilgangur heimsóknarinnar var að auka áhuga þeirra á verklegunámi og hagnýttni þess að öðlast iðnmenntun. ÞG Verk stendur að byggingu fjölbýlishúsa við Álalæk og miðar framkvæmdunum vel en margir verkþættir eru í framkvæmd.
Nemarnir fengu leiðsögn yfir vinnusvæðið og kynningu á þeim verkþáttum sem voru í gangi á hverjum stað allt frá mótavinnu og uppslætti, utanhússklæðningum og að innanhússfrágangi.
Lögð var sérstök áhersla á þær nýjungar sem ÞG Verk fór í fyrir verkefnið á Selfossi verkefnið. Í Álalæknum eru baðherbergi forunnin og hífð inn í byggingarnar á uppbyggingartíma auk þess sem rafmagnhleðslustöðvar með álagsstýringu verða í sameiginlegum bílastæðum.
Að leiðsögn lokinni fengu nemendur kynningu á því hvernig ÞG Verk stuðlar að auknu öryggi á verkstöðum sínum.
Margir verkþættir eru í gangi í einu svo nemarnir fengu innsýn í allt frá mótavinnu og uppslætti til utanhússklæðningar og innanhússfrágangs. Ljósmynd/Aðsend