Framboðslisti Okkar Hveragerði var kynntur á fjölmennum fundi á Rósakaffi í Hveragerði í dag. Njörður Sigurðsson bæjarfulltrúi, sagnfræðingur og sviðsstjóri í Þjóðskjalasafni Íslands skipar efsta sæti listans.
Um er að ræða nýtt framboð en í tilkynningu frá því segir að Okkar Hveragerði sé hópur fólks sem hefur áhuga á bæjarmálum í Hveragerði, velferð íbúa Hveragerðis og hagsmunum sveitarfélagsins. Á framboðslistanum eru íbúar með fjölbreyttan bakgrunn, menntun og reynslu. Kynjahlutfall á listanum er jafnt.
Í öðru sæti er Þórunn Pétursdóttir, landfræðingur og sérfræðingur á þróunarsviði Landgræðslunnar og í þriðja sæti Friðrik Örn Emilsson, söngvari og sálfræðinemi.
Megin áherslumál Okkar Hveragerði er að efla atvinnu í sveitarfélaginu, koma upp húsnæðisleigufélagi sem er rekið án hagnaðarsjónarmiða, endurreisa hverasvæðið til fyrri vegs og virðingar, innleiða 36 tíma vinnutíma hjá starfsfólki Hveragerðisbæjar, standa vörð um gróðurhúsin í bænum sem eru megineinkenni byggðarinnar, að Hveragerði verði leiðandi í umhverfismálum á landinu og að börn geti æft íþróttir fyrir aðeins eitt gjald.
Listann skipa:
1. Njörður Sigurðsson, sagnfræðingur og bæjarfulltrúi
2. Þórunn Pétursdóttir, landfræðingur
3. Friðrik Örn Emilsson, söngvari og sálfræðinemi
4. Sigrún Árnadóttir, grunnskólakennari
5. Hlynur Kárason, húsasmiður
6. Unnur Birna Björnsdóttir, tónlistarkona og kennari
7. Gunnar Biering Agnarsson, verslunarmaður
8. Sandra Sigurðardóttir, íþrótta- og heilsufræðingur
9. Garðar Atli Jóhannson, byggingafræðingur og verkefnastjóri
10. Árdís Rut Hlífardóttir, húsmóðir og nemi
11. Kristján Björnsson, húsasmiður
12. Viktoría Sif Kristinsdóttir, grunnskólakennari og bæjarfulltrúi
13. Kristinn Grétar Harðarson, yfirmaður tölvumála í Árborg, tæknimaður og trommuleikari
14. Anna Jórunn Stefánsdóttir, talmeinafræðingur