Christiane efst á lista óháðra

L-listi óháðra í Rangárþingi eystra munu bjóða fram fyrir næstu sveitarstjórnarkosningar en þetta er í annað sinn sem óháðir bjóða fram. Christiane L. Bahner leiðir listann.

Framboðið hlaut 19,3% atkvæða í síðustu sveitarstjórnarkosningum og einn mann kjörinn. Guðmundur Jónsson leiddi listann í síðustu kosningum Christiane L. Bahner, lögmaður, tók við sæti Guðmundar eftir að hann baðst lausnar úr sveitarstjórn.

Christiane hefur því verið sveitarstjórnarfulltrúi lungann úr yfirstandandi kjörtímabili en hún mun leiða listann í komandi kosningum. Arnar Gauti Markússon, leiðsögumaður, skipar 2. sætið og Anna Runólfsdóttir, verkfræðingur og bóndi, það þriðja.

L-lista óháðra í Rangárþingi eystra skipa:
1. Christiane Bahner, lögmaður og sveitarstjórnarfulltrúi
2. Arnar Gauti Markússon, leiðsögumaður og einn eiganda Midgard Base Camp
3. Anna Runólfsdóttir, verkfræðingur og bóndi
4. Guðmundur Ólafsson, lífrænn bóndi
5. Þuríður Ólafsdóttir, grunnskólakennari
6. Guðgeir Óskar Ómarsson, leiðbeinandi á leikskólanum Örk
7. Eyrún Guðmundsdóttir, íþróttaþjálfari og bóndi
8. Tómas Birgir Magnússon, leiðsögumaður
9. Sara Ástþórsdóttir, bóndi
10. Magnús Benónýsson, öryrki
11. Aníta Þorgerður Tryggvadóttir, íþróttafræðingur
12. Kristján Guðmundsson, fyrrverandi lögreglumaður
13. Sigurmundur Páll Jónsson, verkefnastjóri
14. Hallur Björgvinsson, ráðgjafi

Fyrri greinFjögur HSK met sett í Flóahlaupinu
Næsta greinSandvíkurtjaldurinn lentur