Lögreglan rannsakar innbrot í sundlaugargarðinn á Selfossi

Leturstærð: Decrease font Enlarge font


Mynd er tekin úr öryggismyndavélum umrædda nótt. 

Aðfaranótt sunnudagsins 8. apríl um kl. 3:40 brutust sex einstaklingar inn í sundlaugargarð Sundhallar Selfoss og nýttu sér sundlaug og heita potta utan afgreiðslutíma ásamt því að skilja eftir sig áfengi, föt og annað rusl í sundlaugargarðinum. 

Lögreglan á Suðurlandi hefur fengið upptökur úr öryggismyndavélum og fer með rannsókn málsins. Viðkomandi einstaklingar er hvattir til að gefa sig fram við lögreglu en aðrir sem geta veitt upplýsingar um málið geta haft samband við lögregluna á Suðurlandi í síma 444-2000 eða með tölvupósti á sudurland@logreglan.is. 

Í tilkynningu frá Sveitarfélaginu Árborg er tekið skýrt fram að næturferðir í sundlaugar Árborgar geta verið mjög hættulegar enda því miður oft áfengi eða önnur vímuefni sem fylgja með ferðum á þessum tíma.

"Lítið má út af bregða svo að alvarlegt slys geti orðið og er það eitthvað sem við viljum alls ekki að gerist. Brot af þessu tagi eru ávallt tilkynnt til lögreglu," segir í tilkynningunni.

  • email Senda frétt
  • print Prentvæn útgáfa
  • Plain text Einfaldur texti