Börn og aldraðir í Flóahreppi fá frítt í sund í Árborg

Leturstærð: Decrease font Enlarge font
image Sundhöll Selfoss. sunnlenska.is/Guðmundur Karl

Árborg og Flóahreppur vinna nú að samkomulagi sem tryggir börnum og ungmennum og eldri borgurum í Flóahreppi frían aðgang að sundstöðum Árborgar.

Undanfarnar vikur hafa fulltrúar sveitarfélaganna fundað vegna mögulegra sameiningarmála og þeirra samstarfsverkefna sem sveitarfélögin standa að.

Þar kom fram áhugi sveitarstjórnar Flóahrepps á því að gera samkomulag sem tryggði börnum og ungmennum að 18 ára aldri og íbúum 67 ára og eldri endurgjaldslausan aðgang að sundstöðum í Árborg. 

Í kjölfarið lýsti Árborg vilja til samstarfs í heilsueflingu gegn einnar milljón króna fjárframlagi á ári. Heildarfjöldi notenda verður endurskoðaður árlega og viðmiðunargjald verður í samræmi við fjöldann ár hvert.

Á síðasta fundi sínum lýsti sveitarstjórn ánægju með tilboð Árborgar og var oddvita og sveitarstjóra falið ganga frá málinu og að vinna áfram að samstarfsverkefnum sveitarfélaganna.

  • email Senda frétt
  • print Prentvæn útgáfa
  • Plain text Einfaldur texti