Ný aflmikil borhola í Hverahlíð

Borun á nýrri vinnsluholu í Hverahlíð er nú lokið og verið er að prófa hana. Í tilkynningu frá Orku náttúrunnar segir að holan lofi góðu og verður hún nýtt til rafmagnsvinnslu og heitavatnsframleiðslu í Hellisheiðarvirkjun.

Við prófanirnar blæs holan jarðhitagufu og sést tilkomumikill strókurinn frá henni vel frá þjóðvegi 1 yfir Hellisheiði.

Með gufunni berast upp jarðhitalofttegundir, þar á meðal brennisteinsvetni, sem ekki fer þá í hreinsun í lofthreinsistöð líkt og gufa sem leidd er í gegnum Hellisheiðarvirkjun.

Fyrri greinTap eftir framlengingu í Frystikistunni
Næsta greinHótel Anna fær viðurkenningu frá sauðfjárbændum