Helgi Kjartansson, íþróttakennari og oddviti, leiðir T-listann í Bláskógabyggð áfram í komandi sveitarstjórnarkosningum. Listi framboðsins var samþykktur á fundi í Aratungu í gærkvöldi.
Uppstillingarnefnd lagði fram tillögu að röðun á listann og var hún samþykkt með öllum greiddum atkvæðum. Í greinargerð uppstillingarnefndar kom fram að við röðun á listann hafi verið haft að leiðarljósi að listinn endurspeglaði eins og hægt væri samfélagsgerð Bláskógabyggðar, t.d. út frá búsetu, aldri og atvinnu, og að kynjahlutfalla væri gætt.
Í tilkynningu frá framboðinu segir að T-listinn muni áfram standa fyrir gegnsærri og opinni stjórnsýslu, lýðræði og þátttöku íbúa.
Listinn er þannig skipaður:
1. Helgi Kjartansson, íþróttakennari, Dalbraut 2, Reykholti
2. Valgerður Sævarsdóttir, upplýsingafræðingur, Garði, Laugarvatni
3. Kolbeinn Sveinbjörnsson, verktaki, Heiðarási
4. Guðrún Svanhvít Magnúsdóttir, bóndi, Bræðratungu
5. Róbert Aron Pálmason, húsasmíðameistari, Lindarbraut 3, Laugarvatni
6. Agnes Geirdal, skógarbóndi, Galtalæk
7. Trausti Hjálmarsson, bóndi, Austurhlíð 2
8. Gríma Guðmundsdóttir, náms- og starfsráðgjafi, Grund, Laugarvatni
9. Kristinn Bjarnason, verslunarmaður, Brautarhóli
10. Ingibjörg Sigurjónsdóttir, garðyrkjubóndi, Syðri-Reykjum 3
11. Gróa Grímsdóttir, bóndi, Ketilvöllum
12. Andrea Skúladóttir, viðskiptafræðingur, Heiðarbæ 2
13. Arite Fricke, listgreinakennari, Bæjarholti 14, Laugarási
14. Svava Theodórsdóttir, viðskiptafræðingur, Höfða