„Erum afar stolt af þessum verðlaunum“

Leturstærð: Decrease font Enlarge font
image Gullfoss er ein helsta náttúruperla Suðurlands. sunnlenska.is/Guðmundur Karl

Ferðatímaritið Luxury Travel Guide (LTG) hefur valið Suðurland sem besta útivistar áfangastað Evrópu 2018 (e. Outdoor Activity Destination of the Year 2018).

„Við erum afar stolt af þessum verðlaunum og óskum ferðaþjónustunni á Suðurlandi til hamingju með flotta viðurkenningu. Markaðsstofan mun nýta þetta í sínu markaðsstarfi fyrir árið 2018 og hefur meðal annars hafið samvinnu með LTG í tengslum við sérstaka kynningu í þeirra miðlum, blaðamannaheimsóknir og fleira,“ segir Þorsteinn G. Hilmarsson, verkefnastjóri há Markaðsstofu Suðurlands.

Dómnefnd LTG er skipuð af sérfræðingum á ýmsum sviðum ferðaþjónustunnarog hefur um árabil veitt áfangastöðum sem skara fram úr einhverjum sviðum eftirsótt verðlaun og þá í mörgum flokkum.

Tímaritinu er dreift til yfir 500.000 áskrifenda og á 10.000 lúxushótel og skemmtiferðaskip um allan heim. Í því er að finna meðal annars greinar, fréttir og umsagnir um lúxusferðamennsku og fyrirtæki í þeim geira.

Forsendurnar við val á þessari viðurkenningu var hið fjölbreytta úrval afþreyingar á Suðurlandi, gott aðgengi og fjöldi náttúruperla sem skrýða áfangastaðinn.

  • email Senda frétt
  • print Prentvæn útgáfa
  • Plain text Einfaldur texti