Aurskriða féll úr austurhlíð Reynisfjalls, fyrir ofan Víkurþorp í Mýrdal, í nótt. Skriðan náði ekki niður í byggð.
Mikið hefur rignt í Mýrdalnum í nótt og í morgun, og hefur það losað um jarðveginn efst í fjallinu.
Skriðan náði ekki niður í byggð en er áberandi í hlíðinni og fór hún yfir veginn í Reynisfjalli á fjórum stöðum.
Spýjan stöðvaðist talsvert fyrir ofan íbúðarhúsin við Mýrarbraut, efst í þorpinu.