Hellisheiði hugsanlega lokað kl. 9:00

Leturstærð: Decrease font Enlarge font
image Á Hellisheiði. Mynd úr safni. sunnlenska.is/Stefán Magni Árnason

Gangi veðurspá eftir mun Vegagerðin lýsa yfir óvissustigi á þjóðvegi 1 frá Hvolsvelli og austur á Höfn í Hornafirði, frá því kl. 4 í fyrramálið og fram að hádegi. Miklar líkur eru á því að loka þurfi vegum á þessu tímabili.

Samkvæmt áætlun Vegagerðarinnar um hugsanlegar lokanir er líklegt að Hellisheiði, Mosfellsheiði og vegum í uppsveitum Árnessýslu verði lokað kl. 9:00 í fyrramálið.

Veðurstofan hefur gefið út appelsínugula viðvörun fyrir Suðurland og Suðausturland milli kl. 05:00 og 13:00 á morgun.

Í fyrramálið er spáð A og NA ofsaveðri á Suðurlandi frá Hvolsvelli austur í Öræfi. 20-30 m/s og hviður allt að 40-50 m/s ma. undir Eyjafjöllum.  Blotnar við þessar aðstæður og þá með flughálku.  Hvasst einnig og skafrenningur í fyrramálið  frá kl. 6 á Hellisheiði og í uppsveitum Árnessýslu.

  • email Senda frétt
  • print Prentvæn útgáfa
  • Plain text Einfaldur texti