Ekki talið að stíflan muni skapa hættu í byggð

Leturstærð: Decrease font Enlarge font
image Hvítá og Hestvatn. Oddgeirshólar í Flóahreppi eru fremst á myndinni. Ljósmynd © Mats Wibe Lund

Klakastífla er nú í Hvítá til móts við Kirkjutanga ofan Vaðness í Grímsnesi. Vitað er að vatn hefur flætt inn í eitt sumarhús.

Eigendur annarra húsa, sem talið er mögulegt að flæði að, fengið upplýsingar frá ábúendum í Vaðnesi. Áin hefur rutt sig til móts við Brúnastaði og rennur nú í ál norðanmegin með Hestfjalli. Hún þarf enn að hækka nokkuð til að fari að flæða suður á landið við veiðihúsið í Oddgeirshólum en ef það gerist mun hún skila sér aftur í sinn hefðbundna farveg nokkru neðar.

Mat sérfræðinga Veðurstofu er að ekki sé von á auknu rennsli í Hvítá og að á næstu klukkutímum muni „fjara út“.

Vandlega er fylgst með ástandinu og framvindu þess en jafnvel þó stíflan bresti er ekki talið að uppsafnað vatnsmagn á bak við hana sé það mikið að það skapi hættu í byggð.

Hinsvegar er fólk beðið að vera ekki í námunda við ána í næsta nágrenni stíflunnar af öryggisástæðum.

  • email Senda frétt
  • print Prentvæn útgáfa
  • Plain text Einfaldur texti