Enskunemendur gáfu af ferðasjóðnum í Sjóðinn góða

Nokkrir nemendur í áfanganum „English in real life“ í Fjölbrautaskóla Suðurlands fóru á haustönn í námsferð til Englands ásamt kennara sínum, Ingunni Helgadóttur og kennaranum Kristjönu Hrund Bárðardóttur.

Markmið áfangans var að nemendur fái að vinna með hagnýta ensku, hvernig á að fylla út umsóknir, sækja um vinnu og allt sem tengist því að ferðast til enskumælandi lands og fleira.

Frá upphafi annar og þar til að lagt var af stað höfðu nemendur unnið hörðum höndum við að safna sér fyrir ferðinni. Að lokinni ferð uppgötvaðist að afgangur hefði verið af söfnunarfénu og ákvað hópurinn því að gefa hann til góðgerðarmála.

Þar sem jólin voru á næsta leiti og vitað að margir eigi um sárt að binda á þessum tíma, var sú ákvörðun tekin að gefa peninginn í Sjóðinn góða sem veitir fólki fjárhagsaðstoð fyrir jólin. Það var Sr. Guðbjörg Arnardóttir sem tók á móti gjöfinni fyrir hönd sjóðsins.

Fyrri greinKaramelludraumur
Næsta greinSigurður fékk Menntaverðlaun Suðurlands