Veirusmit á tveimur garðyrkjustöðvum á Suðurlandi

Leturstærð: Decrease font Enlarge font
image sunnlenska.is/Guðmundur Karl

Matvælastofnun hefur borist tilkynning um veirusmit á tveimur garðyrkjustöðvum í agúrkurækt á Suðurlandi. Veiran smitar ekki menn og stafar almenningi ekki hætta af neyslu agúrka.

Í tilkynningu frá Matvælastofnun segir að óljóst sé hversu útbreidd veiran er eða hve mikið tjón getur hlotist af sýkingu á þessum tímapunkti. 

Matvælastofnun skipuleggur nú sýnatökur til að kanna frekari útbreiðslu og beinir þeim tilmælum til ræktenda að gæta ítrustu smitvarna og forðast allan samgang milli ræktunarstaða. 

Veiran sem um ræðir nefnist cucumber green mottle mosaic virus (CGMMV) og er af ættkvísl Tobamoveira. Hún hefur greinst víða í Evrópu.

  • email Senda frétt
  • print Prentvæn útgáfa
  • Plain text Einfaldur texti