Göngumaður í vanda austan Hofsjökuls

Leturstærð: Decrease font Enlarge font
image Ljósmynd/Dagrenning

Rétt fyrir klukkan sex í dag voru björgunarsveitir í Árnessýslu, og frá Hellu og Hvolsvelli, boðaðar út vegna göngumanns í vanda austur af Hofsjökli.

Maðurinn var á göngu yfir hálendið og óskaði sjálfur eftir aðstoð.

Björgunarsveitarfólk lagði af stað á breyttum jeppum, snjósleðum og snjóbílum. Þyrla Landhelgisgæslunnar var einnig kölluð út og fann hún manninn um klukkan 19:00.

Maðurinn var í nokkurri hæð en hafði komið sér fyrir og beið átekta.

Um 40 manns frá björgunarsveitum Slysavarnafélagsins Landsbjargar voru komin af stað í aðgerðinni. Sökum erfiðrar staðsetningar, utan alfaraleiðar, þótti öruggast að boða fleiri en færri ef leita þyrfti að manninum. Gríðalegur kuldi hefur verið á þessum slóðum og mældist til að mynda rúmlega 20 stiga frost í Veiðivötnum í dag. Mikill kuldi er einn af verstu óvinum slasaðra einstaklinga.

Ekki er vitað um líðan mannsins.

UPPFÆRT KL. 19:40

 

 

  • email Senda frétt
  • print Prentvæn útgáfa
  • Plain text Einfaldur texti