Tímamótasamningur Geysis og sveitarfélaganna

Leturstærð: Decrease font Enlarge font
image Frá undirskriftinni í gær. Við borðið sitja Ólafur, Nanna, Ágúst og Ísólfur Gylfi. Ljósmynd/ry.is

Í gær voru undirritaðir samstarfssamningar milli Hestamannafélagsins Geysis og allra sveitarfélaga í Rangárvallasýslu; Rangárþings ytra, Rangárþings eystra og Ásahrepps.

Samningarnir eru til eflingar hestamennsku í íþrótta- og æskulýðsstarfi barna og unglinga í Rangárvallasýslu.

Samningarnir marka tímamót fyrir íþrótta- og æskulýðsstarf Hestamannafélagsins Geysis en þar sem sveitarfélögin þrjú sjá ekki um rekstur neinna mannvirkja til ástundunnar hestamennsku ert gert ráð fyrir að hluti styrksins fari í að greiða fyrir aðstöðu.

Samningurinn er til þriggja ára og tekur hann gildi nú um áramótin.

Á myndinni sem fylgir fréttinni eru (aftari röð f.v.) Eygló Arna Guðnadóttir, Katrín Diljá Vignisdóttir, Oddný Lilja Birgisdóttir og Sigurlinn Franziska Arnarsdóttir. (Fremri röð f.v.) Ólafur Þórisson formaður Hestamannafélagsins Geysis, Nanna Jónsdóttir sveitarstjóri Ásahrepps, Ágúst Sigurðsson sveitarstjóri Rangárþings ytra og Ísólfur Gylfi Pálmason sveitastjóri Rangárþings eystra.

  • email Senda frétt
  • print Prentvæn útgáfa
  • Plain text Einfaldur texti