Stofnfundur Miðflokksfélags Suðurkjördæmis verður haldinn á veitingastaðnum Yellow á Selfossi miðvikudaginn 13. desember næstkomandi, kl. 20:00.
Í tilkynningu frá Miðflokknum segir að hlutverk kjördæmafélagsins nú í upphafi verði að styðja við félagsstarf innan Suðurkjördæmis, aðstoða við stofnun staðarfélaga og ýta úr vör í samráði við félagsmenn í kjördæminu undirbúningi fyrir sveitarstjórnarkosningar sem fram fara vorið 2018.
Sérstakir gestir fundarins verða þeir Sigmundur Davíð Gunnlaugsson formaður Miðflokksins og Birgir Þórarinsson þingmaður Suðurkjördæmis.
Allir eru velkomnir og fundarmenn eru hvattir til að taka með sér gesti.