Fylgjast með ástandi ökumanna í desember-umferðinni

Leturstærð: Decrease font Enlarge font
image sunnlenska.is/Guðmundur Karl

Lögreglan á Suðurlandi stöðvaði í liðinni viku tvo ökumenn, grunaða um að hafa ekið bifreiðum sínum undir áhrifum áfengis.

Í dagbók lögreglunnar kemur fram að eins og alltaf muni lögreglan leggja aukna áherslu á eftirlit með ástandi ökumanna í umferðinni í desember. Í gegnum árin hefur aðventan með tilheyrandi jólagleði leitt til þess að fleiri virðast laumast af stað á bílum sínum án þess að vera í ástandi til þess.

Í síðustu viku voru 26 ökumenn kærðir fyrir að aka of hratt í vikunni. Að venju ljúka þessir einstaklingar málum sínum með greiðslu sektar, flestir á vettvangi brots. Sú upphæð bætist við heildartölu álagðra sekta við embættið en hún nemur nú rúmlega 140 milljónum það sem af er árs.

Hlutfall erlendra ferðamanna í þessum sektum er þannig að 1.419 einstaklingar eru með íslenska kennitölu en 1.425 eru án íslenskrar kennitölu.

  • email Senda frétt
  • print Prentvæn útgáfa
  • Plain text Einfaldur texti