Uppreisn vann stórsigur í kosningunum

Leturstærð: Decrease font Enlarge font
image Kvikutímar eru þematengdir vinnutímar þar sem nemendur vinna að fjölbreyttum og skapandi verkefnum.

Undanfarið hefur 10. bekkur í Sunnulækjarskóla á Selfossi unnið að skemmtilegu verkefni í svokölluðum kvikutímum.

Kvikutímar eru þematengdir vinnutímar þar sem nemendur vinna að fjölbreyttum og skapandi verkefnum. Síðasta verkefni þeirra í þessum tímum var að búa til stjórnmálaflokka. 

Flokkarnir áttu meðal annars að búa til stefnuskrá og útnefna formann og kosningastjóra. Flokkarnir fóru síðan í kynningarstarf um skólann þar sem þeir kynntu málefni sín, en þeir berjast meðal annars fyrir umhverfismálum, jafnrétti, bættum hag nemenda og breyttum áherslum í námi.

Flokkarnir voru fjórir; Traustflokkurinn, Eldingarflokkurinn, Hægri bláir og Uppreisn.

Í þriðjudag í síðustu viku fóru fram kappræður á milli flokkanna og daginn eftir voru kosningar þar sem Uppreisn vann stórsigur með 48% atkvæða, en flokkurinn sigraði í öllum kjördæmunum fjórum. Athygli vekur að kjörsókn var aðeins 66% en kjörsókn í Suðurkjördæmi er gjarnan í kringum 80%.


Frambjóðendur flokkanna á kappræðum fyrir kosningarnar.


  • email Senda frétt
  • print Prentvæn útgáfa
  • Plain text Einfaldur texti