Miðvikudaginn 15. nóvember fór fram árlegur dagur gegn einelti í Barnaskólanum á Eyrarbakka og Stokkseyri.
Nemendur unnu þvert á bekki, skipuðust í blandaða hópa frá 1.-10. bekkjar og unnu að þematengdum verkefnum sem styrkja samtakamátt og hafa mikið og sterkt forvarnargildi gagnvart einelti.
Að sögn Páls Sveinssonar, aðstoðarskólastjóra, tókst dagurinn afskaplega vel og var gerður góður rómur að vinnunni sem skipulögð var af Olweusarteymi skólans ásamt allsherjarnefnd.