Frístundaskólinn og félagsmiðstöðin flytja í nýtt húsnæði

Leturstærð: Decrease font Enlarge font
image Kristófer, Erla og Elín Ester í eldhúsi frístundaskólans. Ljósmynd/Hveragerðisbær

Frístundaskólinn og félagsmiðstöðin í Hveragerði flutti í síðustu viku í húsnæðið sem áður hýsti leikskólann Undraland.

Elín Ester Magnúsdóttir og starfsmenn hennar hafa þegar komið sér vel fyrir í hinu glæsilega húsnæði og er óhætt að segja að starfsemin muni verða með öðrum brag núna þegar allir verða komnir undir eitt þak.

Lóðin er líka afar skemmtileg og hentar vel börnum á þeim aldri sem þarna munu verða og er ekki að efa að sleðabrekkan góða verði mikið notuð þegar og ef það snjóar á næstunni.

Í dag eru um 90 börn skrá í frístundaskólann á aldrinum 6-9 ára.

Félagsmiðstöð unglinganna er einnig að hreiðra um sig í húsinu og stefnir allt í að sambúð þessara tveggja stofnana muni verða með miklum sóma.

Frá þessu er greint á heimasíðu Hveragerðisbæjar.

  • email Senda frétt
  • print Prentvæn útgáfa
  • Plain text Einfaldur texti