Eldur í uppþvottavél

Leturstærð: Decrease font Enlarge font
image Slökkviliðsmenn Brunavarna Árnessýslu frá Hveragerði aðstoðuðu íbúa hússins við reykræstingu. Ljósmynd/BÁ

Eldur kom upp í uppþvottavél í íbúðarhúsi í Hveragerði rétt fyrir klukkan níu í morgun. Eldurinn virðist hafa kviknað í rofaborði vélarinnar út frá rafmagni.

Húsráðandi varð eldsins var strax í upphafi og náði að slökkva hann með léttvatnsslökkvitæki áður en eldurinn náði að læsa sig í húsbúnað og áður en slökkviliðsmenn komu á vettvang.

Slökkviliðsmenn Brunavarna Árnessýslu frá Hveragerði aðstoðuðu íbúa hússins við reykræstingu en nokkur reykur hafði myndast við brunann.

  • email Senda frétt
  • print Prentvæn útgáfa
  • Plain text Einfaldur texti