Sérsveitin kölluð til vegna handtöku í Árborg

Leturstærð: Decrease font Enlarge font
image sunnlenska.is/Guðmundur Karl

Lögreglan á Suðurlandi fékk í kvöld aðstoð sérsveitar Ríkislögreglustjóra við handtöku þriggja aðila í gömlu sumarhúsi í dreifbýli í Sveitarfélaginu Árborg.

Mennirnir, sem taldir eru hafa verið í mikilli óreglu að undanförnu, höfðu fyrr um daginn verið á ferð vopnaðir haglabyssu en án þess þó að ógna öðrum með henni.

Þess vegna var ákveðið að gæta allrar varúðar við handtöku mannanna vegna ástands þeirra en þeir eru taldir tengjast öðrum málum óupplýstum, m.a innbroti þar sem skotvopnum var stolið.

Hin handteknu verða flutt á lögreglustöð á Selfossi og vettvangi verður lokað vegna rannsóknar málsins.

Lögreglan á Suðurlandi getur ekki gefið frekari upplýsingar um málið að svo stöddu.

  • email Senda frétt
  • print Prentvæn útgáfa
  • Plain text Einfaldur texti