Sett hefur verið af stað söfnun fyrir fjölskyldu Andreu Eirar Sigurfinnsdóttur sem lést fyrr í mánuðinum eftir að hafa fengið veirusýkingu í hjartað og bráða hjartabólgu.
Andrea Eir var fimm ára og bjó á Selfossi.
Eftir að hún veiktist var Andrea litla flutt með sjúkraflugi til Svíþjóðar miðvikudaginn 11. október en stuttu eftir komu hennar til þangað hrakaði heilsu hennar.
„Andrea Eir háði erfiða baráttu við almættið en það sigraði að lokum. Eftir sitja foreldrar hennar, systkini, fjölskylda og vinir ásamt heilu samfélagi með margar spurningar, engin svör og brotin hjörtu. Það er ósk okkar sem samfélags að foreldrar Andreu Eirar þurfi ekki á þessum erfiðu tímum að leiða hugann að fjárhagsáhyggjum,“ segja vinir fjölskyldunnar sem standa að söfnuninni. Margt smátt gerir eitt stórt.
Þeir sem vilja leggja þeim lið geta lagt inn á reikning sem er á nafni Guðrúnar Jónu Borgarsdóttur, mömmu Andreu. Reikningsnúmerið er 0586-26-850105 kt. 041177-3499.