Óskar eftir að trúnaði verði aflétt

Anna Greta Ólafsdóttir, fyrrverandi skólastjóri Flóaskóla, hefur óskað eftir því við sveitarstjórn Flóahrepps að öllum trúnaði verði aflétt af starfslokasamningi hennar.

Önnu Gretu var fyrirvaralaust sagt upp störfum í Flóaskóla í apríl síðastliðnum eftir tæplega þriggja ára starf.

Óskar hún eftir því að íbúar og annar almenningur fái aðgang að samningnum í heild og þá sérstaklega upplýsingum um upphæð samningsins.

Erindi Önnu Gretu var lagt fyrir síðasta sveitarstjórnarfund í Flóahreppi.
Í bókun sveitarstjórnar segir að hún muni ekki setja sig gegn því að trúnaði verði aflétt, liggi fyrir álit lögfræðings Önnu Gretu og lögfræðings sveitarfélagsins á því með hvaða hætti þessar upplýsingar verði afhentar.
Fyrri greinSamstarf um innleiðingu fjarheilbrigðisþjónustu
Næsta greinSex sækja um skólastjórastöðu