Gripaflutningabíll valt á Þrengslavegi

Leturstærð: Decrease font Enlarge font
image Frá vettvangi slyssins á mótum Þrengslavegar og Suðurlandsvegar. Ljósmynd/BÁ

Gripaflutningabíll með 114 sláturgrísum valt á hliðina á mislægum vegamótum Þrengslavegar og Suðurlandsvegar á öðrum tímanum í dag.

Ökumaður bílsins komst sjálfur úr bílnum og eru meiðsli hans minniháttar.

Brunavarnir Árnessýslu, sjúkraflutningar HSU og lögreglan á Suðurlandi ásamt Slökkviliði höfuðborgarsvæðisins og dýralækni frá Matvælastofnun eru á vettvangi og vinna að hreinsun. Einnig eru starfsmenn Stjörnugríss komnir á staðinn til að flytja grísina áfram.

Þrengslavegur er ekki lokaður en í tilkynningu frá Brunavörnum Árnessýslu segir að vara beri vegfarendur við því sem fyrir augu getur borið á vettvangi slyssins.

  • email Senda frétt
  • print Prentvæn útgáfa
  • Plain text Einfaldur texti