Fimm tilkynningar bárust í síðustu viku til lögreglunnar á Suðurlandi um að greitt hafi verið fyrir vörur eða þjónustu á Selfossi og í Hveragerði með fölsuðum 5.000 krónu seðlum.
Lögreglan hvetur til þess að vera á varðbergi vegna þessa en fleiri mál sama eðlis hafa komið upp á liðnum vikum í öðrum lögregluumdæmum.
Í dagbók lögreglunnar kemur fram að seðlarnir séu ágætlega prentaðir en við skoðun er fölsunin augljós með berum augum.