Öll lögbýli tengd fyrir lok árs 2019

Leturstærð: Decrease font Enlarge font
image Frá undirritun samningsins. Ljósmynd/gogg.is

Síðastliðinn föstudag skrifaði Grímsnes og Grafningshreppur undir samning við Mílu um lagningu ljósleiðara í sveitarfélaginu. Framkvæmdin felur í sér að tengja öll lögbýli í sveitarfélaginu fyrir lok árs 2019.

Framkvæmdinni verður skipt í þrjú svæði og samhliða verkinu mun Míla leggja ljósleiðara að frístundabyggðum. Ekki er reiknað með að byrjað verði að tengja frístundabyggðir fyrr en seinni hluta árs 2018, en það fer eftir áhuga húseigenda.

Svæði 1 austan Stóru-Borgar nær upp að Neðra-Apavatni, upp að Haga og allan Sólheimahringinn og er miðað við að þeim áfanga sé lokið vorið 2018.

Svæði 2 er milli Borgar og Sogs niður að Vaðnesi, að Þrastalundi, niður í Öndverðarnes og norður að Kaldárhöfða og Steingrímsstöð. Miðað er við að þessum áfanga verði lokið haustið 2018.

Svæði 3 er vestan við Sogið frá Torfastöðum og Írafossvirkjun að Nesjavöllum. Miðað er við að þessum áfanga verði lokið og verkinu öllu að hausti 2019.

  • email Senda frétt
  • print Prentvæn útgáfa
  • Plain text Einfaldur texti