Þrjú slys í dagbók lögreglunnar

Leturstærð: Decrease font Enlarge font
image sunnlenska.is/Guðmundur Karl

Síðastliðinn föstudag varð hjólandi barn á sjöunda ári fyrir bíl í botnlanga í íbúðargötu á Selfossi.

Barnið var flutt til aðhlynningar á sjúkrahúsi  en það hlaut skurð og mar á fæti  af árekstrinum en er ekki talið alvarlega slasað.

Þetta kemur fram í dagbók lögreglunnar á Suðurlandi.

Þá er drengur talinn úlnliðsbrotinn eftir að hann féll við boltaleik á leiksvæði við Vallaskóla á Selfossi í síðustu viku.

Einnig slasaðist hestamaður sem féll af baki í reiðtúr í Gnúpverjahreppi. Hann og félagi hans voru án farsíma þegar slysið varð og þurfti félaginn að ríða heim að næsta bæ til að sækja aðstoð. Maðurinn var fluttur á sjúkrahús en hafði kólnað nokkuð við það að bíða aðstoðarinnar.

  • email Senda frétt
  • print Prentvæn útgáfa
  • Plain text Einfaldur texti